Նախքան խորհրդակցությանը անցնելը՝ համայնքի ղեկավարը խոսեց համայնքի գյուղական բնակավայրերում 2019 թվականին նախատեսված ծրագրերի մասին՝ նշելով, որ իրականացվելու են ասֆալտապատման աշխատանքներ, վարչական ղեկավարների նստավայրերի հիմնանորոգումներ:
Հանձնարարվեց.
Վ. Հայրապետյանին՝
-ակտիվացնել տեղական հարկերի հավաքագրման աշխատանքները :
Ա. Եղիազարյանին, Մ. Հարությունյանին՝
-բնակավայրերի բնակչությանը իրազեկել աղբահանության վճարների մասին, պարբերաբար հսկել աղբահանության գրաֆիկի կատարմանը և գրաֆիկից շեղումների մասին տեղեկացնել,
- նյութեր նախապատրաստել տեղական հարկերը չվճարողների հանդեպ վարչական վարութներ սահմանելու համար,
- ներկայացնել տեղեկատվություն այն մասին, թե բնակավայրերում առկա գյուղատնտեսական նշանակության որ հողերն են մշակվում, որոնք ՝ ոչ:
Լ. Պողոսյանին, Խ. Գաբրիելյանին՝
- պատրաստել տեսախցիկների ձեռքբերման պայմանագրեր:
Լ. Ավուշյանին, Դ. Դանիելյանին՝
- ՀՀ Մշակույթի նախարարությանը նախկինում ուղարկված՝ համայնքի հատակագծի հաստատմանը վերաբերող գրությունների և դեռևս չստացված պատասխանի վերաբերյալ գրություն պատրաստել՝ ուղղված Կոտայքի մարզպետին:
Դ. Դանիելյանին՝
- համայնքի վարչական տարածքում տեղադրված գովազդային վահանակների սեփականատերերին ուղղված գրություններ պատրաստել՝ հողի վարձակալության պայմանագրեր կնքելու համար:
Ս. Ղազարյանին՝
-ուսումնասիրել խաղահրապարակների կառուցման ֆինանսավորման ծրագրերը և ներկայացնել:
Ա. Սահրատյանին՝
-վերանայել համայնքի ավագանու կողմից հաստատված համայնքի կամավոր խնդիրները, դրանց լուծմանն ուղղված սեփական լիազորությունները և դրանց իրականացման կարգը, համայնքի սոցիալական աջակցության վերաբերյալ կամավոր խնդիրների լուծման չափորոշիչները և ներկայացնել առաջարկություն ֆինանսական աջակցության կրճատման վերաբերյալ՝ համայնքի ավագանու նիստին ներկայացնելու համար:
Շ. Ասատրյանին՝
-ավարտել գույքագրման աշխատանքները՝ արդյունքները ավագանու առաջիկա նիստին ներկայացնելու համար:
Մ. Գևորգյանին, Գ. Հայրապետյանին, Դ. Դանիելյանին՝
- գրանցել (վերագրանցել) համայնքի գյուղական բնակավայրերի վարչական ղեկավարների նստավայրերի շենքերը՝ որպես համայնքային կենտրոններ:
Լ. Պողոսյանին՝
- ավարտել լուսացույցների, ինքնաթափ մեքենայի և պոլիկլինիկայի կաբինետ ու սան. հանգույցների վերանորոգման աշխատանքների ձեռքբերման գործընթացը:
Վ. Մարտիրոսյանին՝
- աջակցել համայնքապետարանի կարիքների համար ձեռք բերվող ապրանքների, ծառայությունների ու աշխատանքների ձեռքբերման հայտերի կազմման աշխատանքներին:
Վ. Մարտիրոսյանին, Ա. Գաբրիելյանին և Մ. Հարությունյանին՝
- համայնքում հաշվառված տրանսպորտային միջոցների բազաներից առանձնացնել կուտակված հարկային պարտավորություններ ունեցողների ցուցակը և ներկայացնել:
|