Հանձնարարվեց.
Ն․ Շուշանյանին՝ - համայնքի տարածքում տեղադրված տեսախցիկների կողմից ֆիքսված չսահմանված վայրերում աղբ թափողների նկատմամբ վարչական վարույթ իրականացնելու գործընթաց սկսել:
Ա․ Ավագյանին՝ - Բյուրեղավան քաղաքի շենքերի լիազորների միջոցով բնակչությանը տեղեկացնել բնակսպասարկման վճարների և աղբահանության վճարների գծով պարտավորությունների մասին, -շենքերի լիազորների ցանկը վերանայել, անհրաժեշտության դեպքում կատարել փոփոխություններ։
Վ. Հայրապետյանին՝ - այսօրվա ընթացքում կազմակերպել համայնքի բակերի տարածքներում և ճանապարհներին աղ ու ավազ լցնելու աշխատանքները, -կազմակերպել Բյուրեղավան քաղաքի Վազգեն Ա Վեհափառի փողոցում գտնվող նախկին մանկապարտեզի շենքի պարիսպների վրայից կապույտ ժապավենները հեռացնելու աշխատանքները, -սեղմ ժամկետում ներկայացնել Բյուրեղավան, Նուռնուս և Ջրաբեր բնակավայրերում աղբամաններ տեղադրելու քարտեզը, -ներկայացնել առաջարկություն համայնքի ավագանու «Հայաստանի Հանրապետության Կոտայքի մարզի Բյուրեղավան համայնքում աղբահանության աշխատանքների իրականացման կարգը, աղբահանության պայմանագրերի ձևերը և համայնքի սանիտարական մաքրման սխեման հաստատելու մասին» որոշման մեջ անհրաժեշտ փոփոխություններ կատարելու վերաբերյալ, -կազմակերպել նոր ձեռք բերված աղբամանների վրա «Բյուրեղավան» պիտակը կպցնելու աշխատանքները։
Լ․ Ավուշյանին՝ - ներկայացնել տեղեկություն Բյուրեղավան համայնքում իրականացված իրավական և մասնագիտական հսկողության արդյունքում հայտնաբերված և դեռևս առկա խախտումների մասին։
Մ․ Կարապետյանին՝ - նոր ձեռք բերված աղբատար մեքենայի, ինչպես նաև կոյուղագծերի վերաբերյալ հայտարարությունները տեղադրել Բյուրեղավանի համայնքապետարանի Ֆեյսբուքյան պաշտոնական էջում։ |