Հանձնարարվեց.
Ա․ Ավագյանին՝
-ներկայացնել տեղեկատվություն Բյուրեղավան քաղաքի շենքերի մուտքերի դռներին տեղադրված և դեռևս չտեղադրված դամաֆոնների քանակի վերաբերյալ։
Ս․ Ղազարյանին՝
-ճշտել, թե ծանուցում ստացած քանի քաղաքացի է ներկայացել ՀՀ ՊՆ ԶՈՐԱԿՈՉԱՅԻՆ ԵՎ ԶՈՐԱՀԱՎԱՔԱՅԻՆ ՀԱՄԱԼՐՄԱՆ ԾԱՌԱՅՈՒԹՅԱՆ ԿՈՏԱՅՔԻ ՄԱՐԶԻ ՏԱՐԱԾՔԱՅԻՆ ՍՏՈՐԱԲԱԺԱՆՈՒՄ և ներկայացնել տեղեկատվություն,
-ուսումնասիրել թափառող շներին ժամանակավորապես պահելու համար համայնքում համապատասխան ընկերություններին տարածք տրամադրելու հարցը և ներկայացնել տեղեկատվություն։
Վ․ Հայրապետյանին և Բ․ Դավթյանին՝
- կարգավորել Ջրաբեր գյուղի փողոցների լուսավության լամպերը սնուցող վնասված մալուխների հարցը։
Լ․ Պողոսյանին և Ն․ Շուշանյանին՝
- «Ալմաքար» ընկերությանը պատկանող նախկին մանկապարտեզի քանդված շենքի վերաբերյալ գրություն պատրաստել՝ ուղղված շենքի սեփականատիրոջը, կամ սնանկության կառավարիչին։
Վ․ Հայրապետյանին, Վ․ Մարտիրոսյանին և Ս․ Ղազարյանին՝
- կազմակերպել «Ալմաքար» ընկերությանը պատկանող նախկին մանկապարտեզի քանդված շենքի պարսպի երկայնքով սոցիալական գովազդ պարունակող ժապավեն տեղադրելու աշխատանքները։
Մ․ Խաչատրյանին՝
-կազմակերպել Սուրբ Զատիկին նվիրված համայնքային միջոցառում։
Վ․ Հայրապետյանին՝
-կազմակերպել Բյուրեղավան քաղաքի 31 շենքի բակի խաղահրապարակի ճաղավանդակների վերանորոգման հարցը,
-ուսումնասիրել համայնքի ոռոգման ենթակա տարածքները՝ ծառատունկ կազմակերպելու նպատակով։ |