Զեկ. ԼԻԴԻԱ ՊՈՂՈՍՅԱՆ

Համաձայն «Նորմատիվ իրավական ակտերի մասին» օրենքի 33-րդ   հոդվածի,   Տեղական  ինքնակառավարման մասին» օրենքի  18-րդ հոդվածի 1-ին մասի 5-րդ կետի և «Հայաստանի  Հանրապետության բյուջետային համակարգի մասին» օրենքի  33-րդ հոդվածի 4-րդ մասի`  ավագանին որոշում է.

1.Հայաստանի Հանրապետության Կոտայքի մարզի Բյուրեղավան համայնքի ավագանու     2018 
թվականի դեկտեմբերի 27-ի «Հայաստանի Հանրապետության Կոտայքի մարզի  Բյուրեղավան  համայնքի 2019 թվականի բյուջեն հաստատելու մասին» N 71-Ն   որոշման   մեջ  կատարել  փոփոխություններ՝ որոշման 1-ին կետը շարադրել  նորխմբագրությամբ՝

«1.Հաստատել  Հայաստանի Հանրապետության Կոտայքի մարզի Բյուրեղավան համայնքի 2019 
թվականի բյուջեն՝ համաձայն հավելվածի՝ ըստ հատվածների, որից՝

   եկամուտների գծով` 304659.2 հազար դրամ  

   ծախսերի գծով՝     346463.6 հազար դրամ   

   դեֆիցիտը (պակասուրդը)՝ 41804.4 հազար դրամ 

1) համայնքի բյուջեի եկամուտները` հատված 1,

2)համայնքի բյուջեի ծախսերն ըստ բյուջետային ծախսերի գործառական դասակարգման՝  հատված 2 , 

3)համայնքի բյուջեի ծախսերն ըստ բյուջետային ծախսերի տնտեսագիտական դասակարգման՝  հատված 3 , 

4)համայնքի  բյուջեի  միջոցների տարեվերջի  հավելուրդը կամ դեֆիցիտը(պակասուրդը)՝  հատված 4,

5)համայնքի բյուջեի հավելուրդի  օգտագործման  ուղղությունները կամ դեֆիցիտի (պակասուրդի) ֆիանասավորման աղբյուրները՝ հատված 5,

6)համայնքի  բյուջեի  ծախսերն  ըստ  բյուջետային  ծախսերի  գործառական և  տնտեսագիտական   դասակարգման` հատված 6:»

2.Սույն որոշումն ուժի մեջ է մտնում պաշտոնական հրապարակման օրվան հաջորդող   տասներորդ օրը: