Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի, Հողային օրենսգրքի 102-րդ հոդվածի 1-ին մասի 3-րդ և 5-րդ կետերի և հիմք ընդունելով այն հանգամանքը, որ Վահագն Գուլոյանի կողմից հողամասի ձեռք բերումը կատարվել է հողամասն աճուրդով վաճառելու մասին 2006 թվականի նոյեմբերի 28-ի թիվ 11 կեղծված արձանագրության օգտագործմամբ՝ ավագանին որոշում է.
1.Հողամասն աճուրդով վաճառելու մասին 2006 թվականի նոյեմբերի 28-ի թիվ 11 կեղծված արձանագրության օգտագործմամբ Վահագն Գուլոյանի կողմից Երևան-Սևան միջպետական ավտոմոբիլային ճանապարհին հարող տարածքում գտնվող 5000 (հինգ հազար) քառակուսի մետր գյուղատնտեսական նշանակության հողամասի (ծածկագիր 07-051-0315-0002, կոդ 315-001) ձեռք բերման իրավահաստատող փաստաթղթերը և Հայաստանի Հանրապետության Կոտայքի մարզպետի հանձնարարականի հիման վրա կատարված ուսումնասիրությունների վերաբերյալ նյութերն ուղարկել Հայաստանի Հանրապետության Կոտայքի մարզի դատախազին՝ օրենսդրությամբ սահմանված կարգով ընթացք տալու համար:
2.Նոր երևան եկած հանգամանքների հիման վրա վերաքննիչ բողոք ներկայացնել Հայաստանի Հանրապետության Վարչական դատարանի 2008 թվականի հունիսի 26-ի վճիռը բեկանելու, նախկին Նուռնուս համայնքի և Վահագն Գուլոյանի միջև 2006 թվականի դեկտեմբերի 1-ին կնքված անշարժ գույքի աճուրդային վաճառքի պայմանագիրը լուծելու, հողամասի նկատմամբ Վահագն Գուլոյանի սեփականության իրավունքի դադարեցման և որպես Նուռնուս համայնքի իրավահաջորդը՝ Բյուրեղավան համայնքի սեփականության իրավունքը ճանաչելու պահանջներով:
3.Սույն որոշումն ուժի մեջ է մտնում ստորագրման օրվանից: