Նիստին մասնակցում էին ավագանու 12.03.2018թ. N 22-Ա որոշմամբ ստեղծված գիտության, կրթության, մշակույթի և երիտասարդության հարցերի մշտական գործող հանձնաժողովի (այսուհետ՝ Հանձնաժողով) նախագահ Վահրամ Ապրեսյանը, անդամներ Սլավիկ Հարությունյանը, Գեորգի Աղաջանյանը և Հանձնաժողովի աշխատանքներին աջակցող համայնքապետարանի աշխատակազմի առաջին կարգի մասնագետ Զարուհի Ապրեսյանը:
Նիստը վարում էր Հանձնաժողովի նախագահ Վահրամ Ապրեսյանը:
Օրակարգում՝
1.Հայաստանի Հանրապետության Կոտայքի մարզպետին առընթեր երիտասարդական խորհրդի կազմում Բյուրեղավան համայնքի ներկայացուցիչներ առաջադրելու մասին:
Վահրամ Ապրեսյանը ներկայացրեց, որ Կոտայքի մարզպետի 11.07.2018թ. N 1/13.2/3130-18 գրության համաձայն՝ մարզի տարածքային և տեղական ինքնակառավարման մարմիններում երիտասարդական քաղաքականություն իրականացնելու, տվյալ մարմիններում երիտասարդների պատշաճ մասնակցությունը խթանելու նպատակով նախաձեռնվել է Կոտայքի մարզպետին առընթեր երիտասարդական խորհրդի կազմի համալրման գործընթաց: Խորհրդի կազմում պետք է ընդգրկվի երկու ներկայացուցիչ, որոնցից մեկը ներկայացնում է պետական հատվածը, մյուսը՝ ոչ պետական հատվածը: Ինչպես տեղեկացրեց Վ. Ապրեսյանը, համայնքի ղեկավարի օգնական Մերի Կարապետյանը խորհրդի կազմի համալրման մասին հայտարարություն է տեղադրել Բյուրեղավանի համայնքապետարանի պաշտոնական http://www.byureghavan-kotayk.am, ոչ պաշտոնական http:// www.byureghavan.am կայքերում, Բյուրեղավանի համայնքապետարանի ֆեյսբուքյան պաշտոնական էջում, ինչպես նաև Բյուրեղավանի վարչական շենքի՝ հայտարարությունների համար նախատեսված ցուցափեղկում: Խորհրդի կազմի ոչ պետական հատվածի համար դիմել է մեկ հոգի՝ Բյուրեղավան քաղաքի բնակիչ Անահիդ Արմենի Խաչիկյանը (ծնված՝ 02.05.1999թ.):Նա ԵՊՀ-ի Ռոմանագերմա նական բանասիրության ֆակուլտետի ուսանող է, ունի երիտասարդական կազմակերպություններում տարբեր ծրագրերի, միջոցառումների մասնակցության փորձ (<<Ավրորա>> մարդասիրական մրցանակաբաշխության կամավոր, Հայաստան – Սփյուռք 6-րդ համաժողովի կամավոր, <<Ուսանողական ինքնակառավարման հիմնախնդիրները>> ծրագրի մասնակից, Համահայկական կամավորական միության անդամ):
Ըստ պահանջի, խորհրդի պետական հատվածը ներկայացնելու է համայնքի ղեկավարի տեղակալ Միշա Եղիազարյանը:
Քննարկումից հետո որոշվեց՝
1.Հաստատել խորհրդի ոչ պետական հատվածի համար դիմած Անահիդ Արմենի Խաչիկյանի թեկնածությունը, քանի որ միայն նա է դիմել և նրա տվյալները լիովին համապատասխանում են ներկայացվող պահանջներին,
հավանություն տալ <<Հայաստանի Հանրապետության Կոտայքի մարզպետին առընթեր երիտասարդական խորհրդի կազմում Բյուրեղավան համայնքի ներկայացուցիչներ առաջադրելու մասին>> որոշման նախագծին և ներկայացնել ավագանու նիստին:
Նիստն ավարտվեց:
|