Համայնքի հարգելի՛ բնակիչներ, տեղեկացնում ենք ձեզ, որ գործարկվել է Համայնքային կառավարման տեղեկատվական համակարգի նոր տարբերակ, որտեղ ներառվել է մանկապարտեզներ հաճախող երեխաների համար կատարվելիք վճարումներն առցանց եղանակով կատարելու գործիքակազմ։ ՀԿՏՀ https://www.byureghavan-kotayk.am/.../KinderGarten/Home.aspx «Մանկապարտեզների կառավարում» բաժնում կարող են գեներացվել QR կոդեր և տրամադրվել մանկապարտեզ հաճախող երեխաների ծնողներին։ QR կոդի կիրառմամբ ծնողը կարող է մուտք գործել իր երեխայի էջ և e-paymants պետական վճարումների էլեկտրոնային համակարգի միջոցով կատարել վճարումներ։ Նորամուծությունը համայնքի կողմից մատուցվող ծառայությունը դարձնում է առավել մատչելի, արդյունավետ և դյուրին, իսկ ծնողին հնարավորություն է տալիս ծառայության համար գանձվող վճարը էլեկտրոնային տարբերակով՝ խնայելով ժամանակ և գումար(զերծ մնալ այլ եղանակներով կատարվելիք վճարումների դեպքում գանձվող զգալի միջնորդավճարներից)։ Հարցերի դեպքում կարող եք դիմել Բյուրեղավանի համայնքապետարան և Բյուրեղավանի Արև մանկապարտեզ: