Համաձայն Հողային օրենսգրքի 3-րդ հոդվածի, 7-րդ հոդվածի 9-րդ և 15-րդ մասերի, «Տեղական ինքնակառավարման մասին» օրենքի 18-րդ հոդվածի 1-ին մասի 29-րդ կետի, «Քաղաքաշինության մասին» օրենքի 143-րդ հոդվածի և հիմք ընդունելով Հարություն Նորիկի Բալասյանի 2023 թվականի ապրիլի 06-ի դիմումը՝ ավագանին որոշում է. 1․ Հարություն Նորիկի Բալասյանին սեփականության իրավունքով պատկանող (սեփականության վկայական N 19012023-07-0143) Կոտայքի մարզի Բյուրեղավան համայնքի Նուռնուս գյուղում գտնվող 07-051-0218-0042 կադաստրային ծածկագրով 0.3311 հեկտար մակերեսով գյուղատնտեսական նպատակային նշանակության, այլ հողատեսք գործառնական նշանակության հողամասի նպատակային նշանակությունը փոխել արդյունաբերության, ընդերքօգտագործման և այլ արտադրական նշանակության, գործառնական նշանակությունը՝ գյուղատնտեսական արտադրական օբյեկտների (ոռոգման նպատակով 2500-3000 խորանարդ մետր ծավալով ջրավազան կառուցելու համար):
2. Սահմանել, որ հողամասի նպատակային նշանակությունը փոխված է համարվում պարզեցված կարգով միայն սեփականատիրոջ դիմումի համաձայն համայնքի ավագանու կողմից այդ հողամասի նպատակային նշանակությունը փոխելու, համայնքի ղեկավարի կողմից տվյալ հողամասին ճարտարապետահատակագծային առաջադրանք և հասցե տրամադրելու մասին սահմանված կարգով կայացված որոշումներն ուժի մեջ մտնելուց և հողամասի նկատմամբ փոխված նպատակային նշանակությամբ իրավունքները պետական գրանցում ստանալուց հետո:
3. Բյուրեղավան համայնքի ղեկավարին՝
1) սույն որոշման 1-ին կետում նշված հողամասի նպատակային նշանակության փոփոխության մասին 10-օրյա ժամկետում օրենսդրությամբ սահմանված կարգով տեղեկացնել Կադաստրի կոմիտեի անշարժ գույքի գրանցման միասնական ստորաբաժանմանը և Հայաստանի Հանրապետության Քաղաքաշինության, տեխնիկական և հրդեհային անվտանգության տեսչական մարմնին՝ կցելով սույն որոշման սահմանված կարգով հաստատված պատճենները.
2) սույն որոշման 1-ին կետում նշված hողամասի նպատակային նշանակության փոփոխությունը պետական գրանցում ստանալուց հետո ներառել ընթացիկ տարվա հողային հաշվեկշռում:
4. Սույն որոշումն ուժի մեջ է մտնում ստորագրման օրվանից: |