Համաձայն «Շրջակա միջավայրի վրա ազդեցության գնահատման և փորձաքննության մասին» օրենքի 11-րդ և 16-րդ հոդվածների, Հայաստանի Հանրապետության կառավարության 2014 թվականի նոյեմբերի 19-ի N 1325-Ն որոշման հավելվածի 28-րդ և 29-րդ կետերի և հիմք ընդունելով հանրային լսման 2024 թվականի հուլիսի 23-ի N 05 արձանագրությունը` ավագանին որոշում է.

1․ «ՄԼ ՄԱՅՆԻՆԳ» սահմանափակ պատասխանատվության ընկերության կողմից ներկայացված՝ Բյուրեղավան համայնքի Ջրաբեր բնակավայրում գտնվող 07-055-0212-0148 կադաստրային ծածկագրով հողամասի տարածքում լիթոիդային պեմզայի հանքավայրի Հյուսիսային տեղամասի օգտակար հանածոյի արդյունահանման աշխատանքների իրականացման վերաբերյալ տրամադրել նախնական անհամաձայնություն:

2․ Առաջարկել Բյուրեղավան համայնքի ղեկավարին՝ սույն որոշումը, հանրային լսման արձանագրությունն ու տեսաձայնագրությունն օրենսդրությամբ սահմանված կարգով և ժամկետներում տրամադրել լիազոր մարմնին և նախաձեռնողին:

3.Սույն որոշումն ուժի մեջ է մտնում ստորագրման օրվանից։