Հարգելի համաքաղաքացիներ կոչ ենք անում ոչ հայերեն ձևավորված հրապարակային գրվածքները՝ ցուցանակներն ու գովազդային վահանակները, փոխել բացառապես հայերեն լեզվով:
Ի ուրախություն մեզ, համայնքում գործող գրեթե բոլոր տնտեսավարող օբյեկտների և կազմակերպությունների ցուցանակները ձևավորված են հայերեն լեզվով:
Օրենքը թույլ է տալիս նաև օտար լեզուների գործածությունը՝ սահմանելով, որ հայերեն գրություններն անհրաժեշտության դեպքում կարող են զուգակցվել այլ լեզուներով: Հարգենք մեր պետական լեզուն և հիշեցնենք «Լեզվի մասին» ՀՀ օրենքի դրույթը /4-րդ հոդված, գ կետ/, որը Հայաստանի Հանրապետության պետական մարմիններից, ձեռնարկություններից, հիմնարկներից ու կազմակերպություններից պահանջում է «ցուցանակները, ձևաթղթերը, դրոշմանիշները, նամականիշները, կնիքները, միջազգային փոստային ծրարները, գովազդի բոլոր միջոցները ձևավորել հայերեն»:
Օրենքը խախտելու դեպքում նախատեսված է տուգանքներ: