Համայնքի ղեկավար Հակոբ Բալասյանը խոսեց <<Մաքուր Հայաստան>> ծրագրի շրջանակներում 2019 թվականի մարտի 23-ին կայանալիք համապետական շաբաթօրյակի կազմակերպման աշխատանքների մասին: Նա նշեց, որ անհրաժեշտ է պատշաճ կերպով կազմակերպել շաբաթօրյակը, համախմբված ու ակտիվ մասնակցություն ունենալ ՝ մաքրելով համայնքի ամբողջ տարածքն ըստ նախապես կազմված ժամանակացույցի:
Հանձնարարվեց.
Մ. Եղիազարյանին՝
- ս/թ մարտի 23-ին կայանալիք համապետական շաբաթօրյակի կազմակերպման աշխատանքները քննարկելու նպատակով վաղը, ժամը 11:00-ին հրավիրել համապետական շաբաթօրյակն անցկացնելու նպատակով ստեղծված աշխատանքային խմբի նիստ՝ համայնքում գործող ուսումնական հաստատությունների տնօրենների մասնակցությամբ,
- համայնքի տարածքում գտնվող <<Արևահարվող աղջիկը>> արձանի տարածքը ներառել շաբաթօրյակի մաքրվող գոտու մեջ,
- շաբաթօրյակի ընթացքում կազմակերպել նաև ծառերի էտման աշխատանքներ,
-կազմակերպել Բյուրեղավան քաղաքի երկու մուտքերի տեսախցիկները գիշերային լուսավորությամբ ապահովելու և Նուռնուս գյուղի մուտքի մոտ տեսախցիկ տեղադրելու աշխատանքները:
Ա. Շառյանին՝
- ս/թ մարտի 21-ին կազմակերպել <<Բյուրեղավան>> համատիրության կազմում ընդգրկված շենքերի լիազորների ժողով:
Լ. Ավուշյանին՝
- պատրաստել կարգադրության նախագիծ համայնքի տարածքի չսահմանված տեղերում կուտակված աղբը հեռացնելու աշխատանքները կազմակերպելու նպատակով:
Վ. Հայրապետյանին՝
- Բյուրեղավան քաղաքի բնակչության հետ աշխատանքներ տանել բազմաբնակարան շենքերի մուտքերը դոմոֆոններով հագեցնելու հարցի վերաբերյալ:
|