Համայնքի ղեկավար Հակոբ Բալասյանը աշխատակազմի ֆինանսատնտեսագիտական, եկամուտների հաշվառման և հավաքագրման, ծրագրերի կազմման և համակարգման բաժնի աշխատողների մասնակցությամբ կայացած խորհրդակցության ժամանակ ներկաներին հորդորեց աշխատել համակարգված և հնարավորինս լավ իրականացնել բաժնի առջև դրված խնդիրները:
Հանձնարարվեց.
Լ. Ավուշյանին՝
- ներկայացնել տեղեկատվութուն 2018 թվականի ընթացքում տրված կարգադրութուններով հանձնարարված, սակայն չկատարված աշխատանքների վերաբերյալ:
Լ. Պողոսյանին և հսկողությունը՝ Լ. Ավուշյանին՝
- մեկ շաբաթվա ընթացքում առաջարկություն ներկայացնել բաժնի աշխատանքները օպտիմալ իրականացնելու վերաբերյալ,
- ուսումնասիրել, թե հնարավոր է արդյոք համայնքի եկամուտների հավաքագրումը պատվիրել այլ կազմակերպության,
- հետաքրքրվել բնակչությունից հավաքագրված գումարները բանկային հաշվեհամարներին մուտքագրելիս գանձվող սպասարկման վճարների համար և հարցը կարգավորել,
- մեկ շաբաթվա ընթացքում կազմակերպել գույքահարկի և հողի հարկի բազաների լրացման աշխատանքները:
Վ. Հայրապետյանին՝
- վերանայել հողի և գույքի վարձակալության պայմանագրերը և ներկայացնել առաջարկություն լուծման ենթակա պայմանագրերի վերաբերյալ,
-անհրաժեշտության դեպքում չվճարված տեղական տուրքերի գծով սահմանել վարչական վարութներ,
- աղբի հեռացման աշխատանքների պայմանագրեր չկնքողների հանդեպ վարչական վարույթներ սահմանել՝ նախապես ծանուցելով,
-վերանայել կենցաղային և ոչ կենցաղային աղբի հեռացման աշխատանքների պայմանագրերի ձևերը,
- հետաքրքրվել տերմինալների ձեռքբերման համար:
Լ. Պողոսյանին՝
- ներկայացնել կենցաղային և ոչ կենցաղային աղբի հեռացման աշխատանքների պայմանագրերի ձևերը:
Ա. Եղիազարյանին, Մ. Հարությունյանին՝
- բնակչությունից կանխիկ հավաքագրված գումարները սահմանված ժամկետում մուտքագրել բանկային հաշվեհամարներին:
|