Համայնքի ղեկավար Հակոբ Բալասյանը խոսեց 2021 թվականի ապրիլի 17-ին կայանալիք համայնքային շաբաթօրյակի և ծառատունկի կազմակերպմանն ուղղված նախապատրաստական աշխատանքների իրականացման հարցերի շուրջ:
Հ. Բալասյանը ներկայացրեց, որ ի հիշատակ Արցախյան 44-օրյա պատերազմում զոհվածների՝ Բյուրեղավանի համայնքապետարանը նախատեսում է «ՈՐԴՈՒՍ» ՀԿ-ի կողմից տրամադրված ծառերով և ավագ դպրոցի աշակերտների մասնակցությամբ «Հավերժության պուրակ» հիմնել Բյուրեղավան քաղաքի զբոսայգու տարածքում:
Հ. Բալասյանն առաջարկեց.
- շաբաթօրյակն ու ծառատունկը սկսել ժամը 10:00-ին,
- ապրիլի 24-ին կազմակերպել երթ դեպի Ծիծեռնակաբերդ:
Հանձնարարվեց.
Հ. Եղյանին՝
- կազմաերպել ապրիլի 17-ին կայանալիք համայնքային շաբաթօրյակի և ծառատունկի աշխատանքները,
- համայնքում գործող դպրոցների տնօրեններին տեղեկացնել շաբաթօրյակի և ծառատունկի մասին,
- իրականացնել մաքրվող տարածքների բաժանում ՝ ըստ կազմակերպությունների,
- ծանուցումներ ուղարկել առևտրի օբյեկտներին, որ մաքրեն իրենց տարածքները,
- Երևան-Սևան մայրուղու՝ Բյուրեղավան համայնքի տարածքում առկա չգործող սանհանգույցը քանդելու հարցով զբաղվել, ճշտել, թե ով է կառուցել,
- Բյուրեղավան քաղաքի 25-րդ շենքի մոտ առկա ցանկապատը տեղադրողին ծանուցել, որ այն քանդի:
Մ. Կարապետյանին՝
- հրապարակել համայնքային շաբաթօրյակի և ծառատունկի մասին:
Ն. Մարկոսյանին՝
- ներկայացնել գրաֆիկ՝ ՀՈԱԿ-ների կոմունալ ծախսերի մասին:
Կազմակերպությունների տնօրեններին՝
- կոմունալ ծախսերին հատկացված գումարները խնայողաբար օգտագործել:
Մ. Հարությունյանին՝
- ներկայացնել Ջրաբեր գյուղում կառուցվելիք մանկական խաղահրապարակի նախագիծը,
- պարզել վարչական ղեկավարի նստավայրի էլ. հոսանքի հաշվիչի անսարքության պատճառը,
- հետևողականորեն զբաղվել բնակավայրի խմելու ջրի վարձավճարների հավաքագրման աշխատանքներով:
Լ. Պողոսյանին՝
- հետաքրքրվել Բյուրեղավան քաղաքում գործող «Բել Գլաս» ընկերության կողմից վճարման ենթակա տեղական հարկերի մասին,
- պատրաստել տրանսպորտային միջոցի ծառայության պայմանագիր և նախատեսել համապատասխան գումար:
Ա. Վերդյանին՝
- նոր աղբամաններ ձեռք բերել՝ Երևան-Սևան մայրուղում տեղադրված հները փոխելու նպատակով,
- կազմակերպել ծառերի էտման աշխատանքներ,
- Բյուրեղավանի քաղաքային պուրակի շենքի գույքը 2-օրյա ժամկետում տեղափոխել գրադարանի նախկին շենք :
Ս. Ղազարյանին՝
- հետաքրքրվել Բյուրեղավանի քաղաքային պուրակում մանկական կարուսել ձեռք բերելու հարցով:
Է. Հայրապետյանին՝
- «Մոբայլ» մանկապարտեզների համար մանկական գրատախտակներ ձեռք բերել: |